اخواني و اخواتي اعضاء المنتدي
كتيير من الشباب يعيش قصة حب وهو لا يدري انه لا يحب اساسا
و ده السبب الي خلاني اكتب الفرق بين الحب و الاعجاب
اولا الاعجاب
هوه الميل الفطري الموجود داخل كل انسان للجانب الاخر
يعني الميل الطبيعي من الفتي للفتاة و العكس صحيح
و ده الي بيقع فيه كتيييييييييييييير من الشباب و يعتقد ان ده حب و ها ياتي التفصيل
ثانيا الحب
هوه الرابطه الوثيقة بين اكثر من طرف او طرف واحد علي الاقل وقد تبدأ باعجاب او تحب حد انت ممكن مكنتش تطيقه ولا يأتي الا بالمواقف و المعاملات النبيلة و التعرض للشدائد
او بمعني اصح بالبلدي كده العشره
طيب معظم الي بيعتقدوا انهم بيحبوا بيكونوا واقعين في الاعجاب يعني مثلا واحد شاف واحده زميلة و حبها من موقف معين
انا عايزاكم تشيلو البنت دى و تحطوا مكانها واحد زميل او ها تلاقوا ان الي حب البنت في الموقف مش ها يحب زميله في نفس الموقف ده لان الي حصل كان اعجاب ونفس الكلام للبنات --وارجعوا لتعريفه -- مش حب زي ما كان متصور.
اما بقي الحب ازاي بيجي بالمواقف يعني مثلا لو واحد ليه زمايل ولاد في الجامعه مش هايربطه بيهم الا الزمالة في الاول
و بعد كده ها يحب حد من زمايله و يجعله صديق و يستبعد الباقيين . طيب سؤال هوه حبه ليه ؟
عشان مواقف وقف جمبه مش شافه بمجرد النظر زي ما بيقولوا الحب من اول نظرة
يعني نخلص من كده ان الحب هو اعجاب نمته المواقف والتفاهم و الاعجاب شئ موجود بين كل شاب و فتاة ولا يستدعي المواقف
و احب اسمع رايكم يا جماعة من وجهة نظركم انتم كمان وياريت يا جماعة يبقى فى تفاعل اكتر من كده فى المواضيع كل واحد بيعمل موضوع بيتعب فيه فاقل حاجة ردوا وشاركو برايكم..............