مبروك مبروك مبروك لكل الزمالكاوية اللى صبروا و وقفوا وراء الفريق من كبوة لكبوة ومن انتكاسة لأسوء منها من حقنا أكيد أننا نفرح من غير حد ميكدر علينا فرحتنا
لكن برده لازم نكون عقلانين ولا نبالغ فى فرحة ونحول الفوز فى مباراة لانجاز يحسب للاعبين شفنا منهم الويل
لاعبين وصفهم اغلبنا بانهم لا يصلحون للزمالك او لا يصلحون للكورة اساسا بعد ماتشى الهلال و الفيصلى
يجب الانبالغ فى الفرحة حتى لا نبالغ فى الحزن فى الايام السيئة لا قدرالله
لازم فى حالة الفرحة نشوف كويس السلبيات و فى حالة الحزن نركز برده على الايجابيات مش معقول فريق مينفعش نعمله نجوم بين عشية وضحاها وممكن لو خسروا ماتش بعدين ننزلهم سابع ارض مرة تانية
وكمان لازم نتفق ان الاهلى كان ناقص كتير قوى صحيح غالبا كنا ممكن نكسب لو كانوا كاملين برده بس ده لانهم فى فورمة سيئة واحنا روحنا عالية
لكن لو الامور اتعدلت بيتهيالى صعب قوى نغلب
عاوز بس اركز على بعض النقط
1-سرالتفوق الرئيسى فى الماتش الثقة عندنا وانعدام الثقة عندهم برغم انه مكنش ينقصهم غير صانع العاب عشان يبقوا فرقة اقوى من الفيصلى والقادسية اللى غلبونا ببساطة لكن الثقة فرقت كتير
2-تانى نقطة فرقت......... نص الملعب ابو العلا و تامر اداء اكتر من رائع قدام 3 لعيبة من اكلى نجيلة منتصف الملعب عاشور و حسن وبوجلبان لكن هل نضمن هذاالاداء باستمرار؟هل نراهن عليه الموسم القادم؟
بيتهيالى لأ لا يزال ينقصنا لاعبان تقال فى نص الملعب وبرغم كده مش سامع اى مفاوضات مع لاعبين هاف
يارب خير
3-احمد حسام لعيب تحركه هايل بيكمل حلو قوى دفاعا وهجوما لكن التحاماته ضعيفة جدا كلها لصالح الخصم
استلامه و تسليمه تحس فيه انه مرعوب و متوتر جدا وده عايز كثير من الثقة نديهاله استغلها هيكون ملوش حل
لو مستغلهاش يبقى مينفعناش ومحتاجين برده باك رايت تانى
4-عمرو الصفتى خسارة نفرط فيه برغم انه مندفع زيادة عن اللزوم ووسام مدافع تقيل والقبانى كان سئ لكن طبعا مش من ماتش هنزله سابع ارض هو عامة كويس و كفى
5-طارق السيد يحب ان يعاقب على اخر كورة فى المتاتش شاط الكورة فى حين عمرو كان منفرد وكان يجب التمرير له ونجيب جون تالت بس الانانية..............دى مش اول مرة
6- فى حالة من عدم التعاون مع عمرو توحى بان النفوس مش هادية لبعض اه هو الغلطان لكن مش اللعيبة اللى تعاقبه فى كوتش هوالمسئول
7-مصطفى جعفركان اولى بالتغيير من كل اللى نزلوا وكان ممكن فعلا يزودالنتيجة
8-حازم مينفعش ينزل مع لعييبة استنفذت لازم يتحركوا عشان هو يقدر يمرر
9- ليه اللعيبة مش بتعمل اسكور ليه معندهمش الطمع اللى عند الاهلى هم مش شايفين هم بيتبهدلوا ازاى مش عاوزين يثاروا لنفسهم حتى
10- يجب استنفارطاقات اللاعبين للكاس و لقاء مرتقب مع الاهلى بكامل نجومه واثبات الذات للصحافة
وعدم الركن الى هذا الفوز حتى لا نفاجا بهزيمة لا قدر الله تهدم المعبد على الرؤوس
11- احساسى الشخصى بان فى خلافات و شلل فى الفريق لا يزال موجود
فريق القدامى وانضملهم شيكابالا حمزة و حليم وحازم
فريق جعفر ويوسف حمدى
فريق عمرو وعطوة
وطبعا ده كله تهريج ولازم يتحل لانهم بياثروا سلبيا على خط الهجوم ميشيل فضل حليم على عمرو لاحساسه ان شيكا مش هيلعب مع عمرو "اعتقادى الشخصى"
12-موضوع التجديد لحليم و تامر وحازم لمجرد الفوز فى ماتش!!!!!!!!!!
ارحمنا يارب من العشوائية اه نجددلهم لعطائهم او لمستواهم فى موسم او نص موسم حتى لكن ماتش؟
13-اسامة حسن شوفته فى اكتر من لقاء و اشكره على الروح العالية الحقيقية"مش قدام الكاميرات بس" اللى عنده واتمنى ارتفاع مستواه عشان نستفيد من الروح دى فى الملعب
الخلاصة لازلنا فى احتياج لمساك و لاعبى وسط و ممكن طرف شمال او يمين حسب المستويات
لازم نخلىالفريق وحدة واحدة مع بعض لصالح الفريق
عدم التخلى عن الصفتى بشرط الالتزام و احمد حسام واسامة حسن بشرط ارتفاع المستوى
مرة تانية 1000 مبروك