حوار لطيف بين زوج و زوجته

هو:

حبيبتي أنا حأطلب بيتزا ، عايزة حاجة ؟

هي:

لا يا حبيبي

هو :

اوكي

هي:

ولا اقولك ..؟

هو:

ها ، أطلب لك كمان ؟

هي:

مش عارفة

هو :

مش عارفة اذا كنتي عايزة ؟

هي:

لا

هو:

انتي جعانة؟

هي:

يعني

هو :

يعني إيه يعني...؟

هي:

يعني مش متأكدة اذا كنت جعانة ولا لأ.

هو:

الواحد لما بيكون جعان بيعرف

هي :

لأ بس يمكن اجوع بعدين

هو:

يعني اطلب لك بيتزا؟

هي:

طيب واذا ما كنتش جعانة وقتها..؟

هو :

ما تاكليش

هي :

بس ده كدة يبقى تبذير

هو:

خلاص ، تبقي تاكليها بكرة

هي:

و اذا ما كانش لي نفس آكل بيتزا بكرة؟

هو :

مش محتاجة نفس ، الواحد عادي ممكن ياكل بيتزا كل يوم

هي:

انا لا .. أنا مش باكل بيتزا الا لما يكون عندي نفس للبيتزا

هو:

طيب بلاش ، أطلب لك حاجة تانية؟

هي:

بس أنا مش عايزة حاجة تانية

هو:

يعني عايزة بيتزا؟

هي:

لا

هو:

يعني مش عايزة حاجة؟

هي:

لأ برضه

هو :

جننتيني ، طب أعمل إيه؟

هي:

اطلب انت لنفسك

هو:

الحمد لله ، اخيرا .. ماشي ..

هي :

بس اطلب بيتزا بالتونة

هو:

نعم ؟ انا مش بحب البيتزا التونة

هي:

بس انا بحبها

هو:

وانتي مالك ؟ هو انا حاطلب ليا ولا ليكي

هي:

ليك طبعا

هو:

طيب أطلبها ليه بأة بالتونة...؟

هي:

يمكن اجوع لما يوصل الاكل

هو :

وبعدين؟

هي:

يا سلام ، يعني تفتكر آكل حاجة مش عاجباني؟

هو:

ليه هو انتي – أصلاً - عايزة تاكلى

هى:

ليه لأ

هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:

بالضبط

هو:

وأنا بلاش آكل؟

هي:

يمكن وقتها أكون مش جعانة

بجد زوجه ممله انا لو مكانه كنت سبتها ومشيت ايه الجنان ده بس عارف ارجع واقول هو ده اللى ينفع معاكو اليومين دول ههههههههههههههههههههههههههههههههه لازم الواحده تجنن جوزها كده ميرسى على التوبيك

والله الزوج ده المفروض ياخد تمثال علشان مستحمل الست دى

لو كانت دى مراتى مش هقولوكو هعمل ايه احسن تزعلووووووووووووووووو
ههههههههههههههههههههههه

بس ارجع واقول دا راجل عبيط وهوا ياكل بيتزا ليه امال هوا مربى صاحبه اللى معاه دا ليه مش علشان تحضرلو الاكل ولا مربيها علشان تقرفه فى حياته

يبقى هوا الغلطان اصلا ومش عايز تمثال

شكرا يا جماعه علي الردود وانتوا تعرفوا لو انا مكانه كنت عملت ايه اكيد انت يا ابودياب عارف هههههههههههههههههه