الملك........... ملك ....... زملاكاوى يا عالم ....

الف مبروك للاهلى

للعام الثانى على التوالى تكون انت الملك وللعام الثانى على التوالى تكون يا اهلى وحش افرقيا الذى لا يقهر وللعام الثانى على التوالى تكون افرقيا ملك لك يا احمر و للعام الثانى على التوالى تكون انت العقدة للاندية التونسية العنيدة

نبتدى منين الحكاية ..... حكاية سنتين من التفوق الاهلاوى الاحمر على القارة السمراء ,حكاية سنتين كان فيها اللون الاحمر هو اللون السائد فى القارة حكاية سنتين من الانجازات و الارقام القياسية يا اهلى

بدا النادى الاهلى الحكاية في صيف عام 2004 عندما قام بتدعيم صفوفه بأكتر من لاعب جيد (النحاس والشاطر , بركات , عبدالوهاب رحمه الله ) و قبلهم ( ابوتريكة و حسن مصطفى ) و مع وجود نجوم الاهلى القدامة و صعود بعض اللاعبين الصغار امثال متعب و عاشور صنع الاهلى الانجازات
بدأ الاهلى الدورى موسم 2004-2005 و حسمه مبكرا لكن العين كانت على افرقيا و بدات الرحلة فى مارس 2005 من اوغندا

التقى الاهلى فى دور ال32 مع فيلا الاوغندى فى احراش افرقيا ليتعادل معه سلبيا قبل ان يسحقه الاهلى 6-0 عن طريق 2 بركات 2 تريكة و النحاس و متعب ...ليلعب بعدها الاهلى مع اتحاد العاصمة الجزائرى العنيد و ما ادراك ان تلعب فى الجزائر و قرر النادى الجزائرى وقتها ان تلعب المباراة على ملعب نجيلة صناعية (ترتان ) لكن مش على الاهلى يا اتحاد العاصمة و فاز الاهلى و قهر الظروف بهدف صاروخى من محمد بركات و لكن تعادل الاهلى بعدها 2-2 فى القاهرة فى المباراة التى سحبت بسببها الشارة من الحضرى و سجل للاهلى الهدف الاول والله اللى يعرف يقولى بس هو اتكتب عماد النحاس و التانى بتوقيع متعب و سجل فى مرمى الاهلى يومها حسين عشيو و طبعا كلنا عارفين مين هو عشيوووووو

دور الـ 8 و ما اصعبه دخل الاهلى دور لـ 8 و كله امال فى الخروج منه بسلام خصوصا بعد الوقوع فى مجموعة من نار بها الرجاء المغربى و انيمبا الرهيب البطل و حامل اللقب و اياكس كيب تاون

بدأ الاهلى المشوار فى هذا الدور بفوز غالى على الرجاء من صاروخ من شوقى من ضربة ثابتة ليذهب بعدها المارد الاحمر الى نيجريا ليلاقى انيمبا الرهيب الذى لم يقهر على ملعبه لموسمين لكن مش على الاهلى يا انيمبا و فاز الاهلى بهجف رائع لمتعب ..... ليلاقى الاهلى بعدها اياكس كيب تاون فى القاهرة و يفوز 2-0 برأس احمد السيد و قدم متعب و كانت المباراة اول ظهور للانجولى فلافيو مع الاهلى المصرى
بدأ المارد الاحمر الدور الثانى فى دورى المجموعات بتعادل مع اياكس كيب تاون فى بريتوريا قبل ان يحرز الاهلى تعادل بطعم الفوز على الرجاء المغربى فى كازابلانكا بهدف فى اللحظات الاخيرة فى الدقيقة 90 ليطلق بعدها الاهلى رصاصة الرحمة على انيمبا و يفوز عليه 2-1 بهدفين لاسامة حسنى و يذهب الى دور الاربعة و تدق طبول الحرب


وقع الاهلى فى دور الاربعة امام غريمه الازلى الزمالك و استطاع الفوز عليه 2-1 فى ارض الزمالك الاعتبارية بقدم متعب و بركات , قبل ان يفوز الاهلى 2-0 على ارضه اعتباريا بهدفين لبركات (منك لله يا جعفر ) ما علينا

بعدها و تحديدا فى فبراير 2006 نجح الاهلى فى الفوز على الجيش الملكى المغربى ليفوز بكأس السوبر الافريقية للمرة التانية فى تاريخه بعد الفوز 4-2 بركلات الترجيح و استطاع الاسد الحضرى من صد ركلتى جزاء و لو يقع لاعبى الاهلى فى فخ الحارس العملاق طارق الجرمونى استطاعوا تسجيل 4 ركلات فى مرماه ...... وبالبطولة ديه نجح الاهلى فى اتمام الموسم الاول بنجاح قوى و بارقام مستحيلة التحقيق

فى مارس 2006 بدأ الاهلى رحلة الدفاع عن القابه و عن ارقام الفارس الاحمر العملاق و ذلك بمواجهة توسكر الكينى فى دور ال32 و الفوز عليه فى كينيا 2-0 بتوقيع متعب قبل ان يسحقه 3-0 فى القاهرة عن طريق حسنى و عبد الوهاب ( رحمه الله ) و وائل رياض ........... ليلتقى بعدها الاهلى مع رينا سيمينتو من غينيا الاستوائية ( دى فين ديه ) و يتعادل معه سلبيا على ارضه قبل ان يسحقه 4-0 فى القاهرة بتوقيع النحاس و متعب و تريكة و متعب ايضا فى مواجهة قالوا عنها صعبة لكن ليس على ابناء صالح سليم .........

دور الثمانية و احلامه

دخل الاهلى دور الـ 8 باحلام البطل و وقع فى مجموعة تضم الصفاقصى التونسى و كوتوكو الغانى و الشبيبة الجزائرى

بدأ الاهلى المشوار بخسارة غريبة امام الصفاقصى فى ملعب الطيب المهيرى بهدف لعصام المرداسى ليكسر به الارقام القياسية الاهلوية لكن لم يستطع كسر شوكة الاهلى و اذا كنت خسرت معركة فانت لم تخسر الحرب ...... دخل الاهلى بعدها اختبار صعب امام شبية القبائل فى القاهرة و فى ظل غياب 7 من اساسى الاهلى و لكن فاز الاهلى 2-0 بتوقيع احمد صديق و حسنى .... ليتعادل الاهلى بعدها مع كوتوكو سلبيا بعد ان قدم بطل مصر مباراة رائعة

الدور الثانى من دورى المجموعات استهله الاهلى بفوز كبير 4-0 على كوتوكو بتوقيع تريكة و شوقى و حسنى و فلافيو الذى كان قد فك النحس قبلها بايام قليلة

لكن بعد هذه المباراة فقد الاهلى النجم محمد عبد الوهاب الذى وافته المنية اثناء احد تدريبات الفريق لكن المصيبة كانت دافع قوى للاهلى بان يهدى الكاس لروح زميلهم المتوفى

بعدها بتسعة ايام بالتمام و الكمال التقى الاهلى مع الصفاقصى فى القاهرة فى لقاء رد الاعتبار و لاذلت اتذكر بكاء تريكة و هو يقبل الشارة حزينا على فراق عبد الوهاب و نظرة فلافيو الحزينة بعد الهدف الثانى و اتذكر بكاء كل المصريين فى قطر فى احد المقاهى عندما ابكانا بكاء ابو تريكة فى لحظة شجعت فيها الاهلى من قلبى ....... لكن اتت الرياح بما لا يشتهى المارد الاحمر فقد اهدى الحكم المغربى محمد الجزاز نادى الصفاقصى المركز الاول اثر اهدائه لنادى الشبية تعادل غير مستحق مع الاهلى 2-2 و سجل للاهلى يومها تريكة

فى 18 فبراير 2007 و فى كاس السوبر لعب الكاف لعبة غريبة و نقل المباراة الى اثيوبيا فى الحر و المرتفعات و قلة الاوكسجين لكن الكلام ده ما يكلش مع الاهلى و فاز الاهلى 5-4 بركلات الترجيح و نجح الحضرى تانى فى التصدى لركلة ترجيح ليفوز الاهلى بالسوبر و يتوج نفسه بطلا لموسمين من الكفاح ....... الف مبروك يا كبير

الملك هو الملك

اهداء منى لكل اهلاوية المنتدى

وانا بجد بهديلك احلي اهداء

يا طارق يا اسماعيل ,, يا زملكاوي يا كبير

يا اجدع زملكاوى في العاااااااااااااااااااااالم

--------------------

فين ايزى موزو يجى يسمع ويشوف

ليه مش هى دى الحقيقة

انتوا هاتتخانقوا ولا ايه وعلى العموم شكرا لكل اللى سابوا رد على الموضوع وزى ما الاهلى عندو روح رياضيه الزمالك عندة اخلاق اخلاق اخلاق